ТОПУЗОВА - КАРЕВСКА: Дипломирав на историја на уметноста и археологија на Филозофски факултет во Скопје, а подоцна магистрирав на групата археологија на Универзитетот во Белград. Пред да бидам избрана во Парламентот, работев во Институтот за старословенска култура во Прилеп и се занимавав со научно-истражувачка дејност. Јас се школував и живеев во Скопје, но бидејќи на Институтот во тоа време му требаа кадри од мојот профил се вработив во Прилеп, потоа основав и семејство и таму останав да живеам. Со политика почнав да се занимавам уште за време на студирањето, а особено станав политички активна со моето вработување. Во тоа време бев членка на СКМ, со оглед дека тогаш таа беше единствената политичка партија. По појавата на плурализмот, со основањето на Демократската партија на Петар Гошев во 1993 година, на возраст нешто пред четириесетина години се вклучив во партијата каде моето политичко присуство и ден денес е евидентно.

ТОПУЗОВА - КАРЕВСКА: Да, можат. Иако сметам дека е многу тешко, особено во малите средини каде се уште се почитуваат традиционалните норми на семејството. На жените им треба повеќе време и труд за да ја стекнат довербата кај своите сопартијци. Што се однесува до мене, сакам да истакнам дека од страна на своите сопартијци во Прилеп сум добро прифатена и секогаш ме чувствувале како рамноправен член на партијата за што говорат и функциите кои ги имам во Општинската организација. Во ниту еден момент не сум почувствувала нетрпение кон мене поради тоа што сум жена.

ТОПУЗОВА - КАРЕВСКА: Во претходното прашање истакнав дека јас лично не сум имала никакви проблеми. За жал, кога ќе дојде време жените да ги завземат највисоките функции, како државни така и партиски, тогаш често се наидува на некои проблеми, но за среќа тие најчесто се надминуваат. Сепак не смееме да ги гледаме работите еднострано. Всушност, апсолутно сум против какви било клучови и квоти, па според тоа и жените да напредуваат само поради тоа што се жени. Значи, фактот што се жени не смее да им биде привилегија, но во никој случај ни хендикеп.

ТОПУЗОВА - КАРЕВСКА: Јас и досега, пред да бидам парламентарка, бев многу ангажирана и често отсутна од дома, бидејќи тоа ми го налагаше мојата професија. Сепак, секогаш сум имала доволно време за семејството. Според мене, семејството никогаш не треба да ми биде второстепено.

ТОПУЗОВА - КАРЕВСКА: Имам едно дете, возрасна ќерка, која веќе е матурантка. Таа е навикната да & посветувам многу внимание, при тоа да ја посоветувам за секојдневните проблеми и да & помагам при школувањето. Не знам како мојата ќерка ме доживува како парламентарка, но мојот однос кон неа со ништо не е променет.

ТОПУЗОВА - КАРЕВСКА: Не, напротив. Сметам дека нејзината предодреденост да биде мајка, некогаш претставува и предност во градењето на политичката кариера. Сметам дека самото мајчинство ја облагородува жената, таа станува потолерантна и потрпелива, со поголемо разбирање за луѓето кои ја опкружуваат. Трпението и разбирањето потребни при подигањето на децата е многу значајно искуство кое жената која одлучила да се занимава со политика може да го примени.

ТОПУЗОВА - КАРЕВСКА: Само амбициите не се доволни за да се биде парламентарка. Кај нас, со воведувањето на повеќепартискиот систем ни се случи не само жени, туку и мажи многу лесно, без доволна политичка наобразба, да влезат во Парламентот. Сега веќе кога функцијата парламентарец се извршува професионално, потребна е поголема одговорност и сериозен пристап кон работата. Но, најважно е да се има слух за потребите на народот и да се познава добро политичката ситуација во земјата, што значи дека не се доволни само амбициите, туку треба големо трпение и многу работа.