Постојат два вида на убиство: телесно и душевно. Телесно убиство е одземањето некому телесен живот, или тепањето и ранувањето кое подоцна ќе донесе смрт, како и суровото однесување кое огорчува и го скратува животот. Исто така, како убиство се смета и лекомисленото изложување на опасности, неумереноста во јадењето, пиењето и гозбите - нешта кои го уништуваат нашето здравје.

Душевно убиство е лошиот пример и соблазната, односно намерното намамување на ближниот на грев, или навредувањето преку непристојни зборови и дела и нешто што донесува и доведува до смрт на душата.

Не се виновни за убиство оние што бранејќи си го животот, имотот и честа, направиле некое зло, или пак дури и ги убиле напаѓачите. Исто така, не се виновни ниту војниците кои ги убиваат непријателите во одбрана на својата татковина.

Убиството е најголемиот грев што може некој да му го направи на ближниот и самиот себеси, бидејќи секое зло што можеме да му го направиме некому или на самиот себеси, можно е да се поправи, но животот, кој всушност е најскапото добро на човекот, невозможно е да му го повратиме на оној што сме го зеле од него.

Оваа Света Тајна Спасителот ја основал, велејќи им на светите апостоли: "Примете Дух Свети! На оние на кои ќе им ги простите гревовите - ќе им се простат, а на оние кои ќе им ги задржите, ќе им се задржат".

Недолжна е потребата оној што се кае да чувствува жал поради направените гревови, цврсто да одлучи повеќе да не греши, да си ги исповеда гревовите пред духовник и доследно да го исполни зададениот му канон. Само на овој начин Светата Тајна ќе даде плод во неговата душа.

Канонот, укорување или епитимија е духовен лек што духовникот го дава за да го чува од гревови и да го држи на вистинскиот пат оној што се кае. Постот, молитвата и милостината се најсоодветниот и најполезниот канон, та затоа духовникот обично него го задава. Христијанинот е должен со светост да го исполни зададениот канон на исповедувањето, а ако може и многу повеќе од тоа - со сите сили да се труди од својата душа да ја искорени навиката да греши. Во спротивно, Тајната Покајание нема да му биде од полза.

****

****