ЦАРКЊАС: Да. Кога се вратив од Канада ме информираа дека дошол новинар и сакал да разговара за црквата. Вистина, да кажам право дека "Св. Злата Мегленска" работи повеќе од една година. Таа е Црква и тоа што прави Грција на телевизија му го кажав и на владиката Петар и на секој Петар оти во Егејскиот дел на Македонија има Македонска православна црква и барем на таа емисија Црквата се нарекуваше македонска, а јас како македонски свештеник. Вистина ми се заканија од страна на портпаролот на поглаварот на грчката црква, кој ги пушти полицајците и разузнувачите да ме фатат оти тие мислеа дека јас немам право и одлуки од грчките судови. Но, одлука за служби на македонски јазик има, а има и признание дека јас сум свештеник на МПЦ и на таа припаѓам. Но, сакам да кажам дека кога учествував на таа емисија Господ ми даде сила да бидам многу мирен и да ја кажам вистината за македонскиот народ во Грција која предизвика голема реакција кај поглаварот на грчката црква, споредувајќи не со организацијата 17 ноември, дури и дека сум полош од нив, оти сум бомба за грчката држава во врска со македонското прашање. Тоа покажува колку вистина е нашата работа што ја правиме во Егејскиот дел на Македонија. Верувам дека ова интервју е најголемиот одговор на владиката Петар, на Јован и на секој. Жално е што владиката Петар уште е владика на МПЦ.

ЦАРКЊАС: Изјавите на Петар датираат од времето на мојата посета на Австралија. Македонскиот народ треба да знае дека господинот Петар за неговиот личен интерес не почитува ни Црква, ни пријател, ни историја, ни ништо. Тој ако не е на чело за него не постои ништо. Тој поседува толкав голем егоизам, и е толку голем идиот, што јас не можам да го прифатам и да зборувам за него. Чинот му го почитувам додека ќе биде владика на МПЦ, ама за неговите срамни изјави треба тој да е одговорен на секој Македонец и на секој патриот човек што работи за македонштината. Предлагам неговите изјави да се прегледаат и да поминат низ психолошки институции, да ги види психолог, кој што по согледувањето ќе изјави колку дедо Петар може да биде владика на МПЦ.

ЦАРКЊАС: Да! Сакам да му кажам на македонскиот народ за оваа работа. Јас имам информации за Петар, но додека не видам со моите очи и не слушнам со моите уши изјави недавам. Покојниот поглавар Гаврил рече дека владиката Петар еден ден ќе ја растури Македонската црква. И за жал тоа е дојдено! Јован стана владика на МПЦ по предлог на Петар. Го предложи за инает оти не го сакаше Агатангел кој го предложи дедо Кирил и дедо Тимотеј. Петар не кажува ништо против Јован оти истите мислења на Јован ги има и Петар. Изјавите на Јован се устата на Петар! Сите изјави што ги кажа Јован против дедо Кирил, против Црквата, се дело на Петар. Вие знаете подобро оти тој има правено разговори со Стилијанос, надлежен грчки архиреј за Австралија, таму во Австралија. Не знам дали знае Синодот? Разговорите беа како да се земат црквите. Тој се замислува како Папа на МПЦ, како што е Папата на Католичката црква кој на никој не му дава одговор. Ако Петар мене не ме признава за архимандрит, зошто служеше со мене?! Тоа е едно големо прашање на кое треба да одговори тој и неговите љубители таму во Австралија. Да разберат нашите Македонци дека Петар тоа за што го вели, прво ќе треба да оди да се лекува на психијатар. Само психијатарот ќе може да го реши неговиот проблем. Тој има проблем што сака да биде Папата на МПЦ. Е тоа не може да биде никогаш!

ЦАРКЊАС: Така. Ние како црква "Св Злата Мегленска" мислиме оваа година да ги повикаме нашите Македонци, не само од Егејскиот дел туку и од сите делови и ќе славиме два-три дена, ќе служиме Литургија и ќе имаме мала манифестација. Прослави ќе има во Прилеп, во Преспа, во Пирин и насекаде за да им оддадеме слава на големите борци, на Гоце, на Сандански, на Питу Гули на тие сите кои ја дадоа душата за Македонија.