ПАВЛОВСКА: Навистина не очекував некогаш мене ова да ми се случи, но знаете животот е таков, не можете да претпоставите каде утре ќе ве одведе. Не можев да претпоставам дека речиси четири недели ќе ги одлежам во болнички кревет, бидејќи не сум личност која седи на едно место, но покрај вистинските пријатели, покрај сите мои блиски, навистина времето ми прелета дури да трепнеш, за миг. Не се плашев од она што ми се случи, знаев дека има сила во мене која повторно ќе ме застане на здрави нозе. Волјата што ми ја дадоа пријателите, колегите и моите роднини, мојата верна публика беше пресудна да не западнам во депресија. Но, не сум таква жена која на работите гледа црно затоа што самите ние треба да направиме животот да ни биде повесел и посреќен. Имам голема верба во Бога, во Св. Петка, секогаш ја носам со себе и можеби ме заштитија и не ме однесоа на оној свет. Сега тоа е зад мене и одам напред.

ПАВЛОВСКА: Знаете, песната е мојата душевна храна, таа ме поткрева, ме исполнува. Работам со душа, беспрекорно си ја сакам професијата, имам сериозен пристап кон неа. Секое време носи нешто ново, некоја интересна случка, дали е тоа општата ситуација, дали е љубовта и слично. Кога ќе добијам добра песна која знае да ме погоди в срце, не размислувам многу околу тоа дали ќе ја снимам или не. Решавам во истиот момент. Трендот во музиката постојано се менува, аранжманите добиваат современ и поинаков призвук од досегашните. Јас го следам сето тоа и секогаш на публиката & нудам нешто ново, различно од досегашното, а и таа тоа го очекува од мене. Еве, следната година имам план за уште една турнеја низ Австралија и таму публиката бара нешто ново, поразлично и од овие последни два компакт-диска. Јас не сакам да им останам должна.

ПАВЛОВСКА: Во право сте, ориенталната музика знае вистински да ме поткрене, таа ми дава позитивна енергија, најдобро знам да ја почувствувам, иако и преостанатите жанровски остварувања ми се драги. Еве, на пример, песната "Љубов врела" за која текстот го напишав самата е песна од мој калибар. Преку таа песна јас сум јас, знам најдобро да ја раздвижам мојата публика.

ПАВЛОВСКА: Да, кога ќе добијам добро направена музика која ќе ми влезе во душата, инспирацијата за стиховите е многу поголема. Знам да ја почувствувам мелодијата и нејзе можам да & создадам сродни зборови кои ќе дадат еден извонреден спој. Така се родија "Магија", "Нема веќе љубов", "Каде после мене", "Чукај срце", "Полицајци", "Пијана од љубов" и многу други.

ПАВЛОВСКА: Има и тоа со различна тематика: "Добро утро Македонијо", "Битола", "Сполај ти мајко Илино" посветана на мојата мајка која избегнувам да ја пеам поради емоциите кои ми навираат и многу други. Знаете, и тие се печат на едно време. На пример, песната "Вратница" од последниот материјал е исклучително наменска, посветена на селото со печалбарска традиција. Таа песна веќе си го најде своето место пред се кај луѓето кои потекнуваат од тој крај, а сега се наоѓаат во далечната Америка. Народот навистина сака да чуе вакви песни.

ПАВЛОВСКА: Точно е дека сум голем патриот, си ја сакам оваа земја па каква сака нека биде. Имав можности кариерата да ја водам на други места, на други континенти, во поинакви услови од овие во Македонија. Но, јас каде и да заминев, повторно се враќав. Оттука, на публиката & ја испеав "Сегде појди, дома дојди", зашто дома си е дома. Минатата година кога бев на турнеја во Австралија почнаа да се случуваат работите во земјава. Тоа мене страшно ме погоди. Таму во Австралија ми велеа да останам, каде ќе се враќам кога таму се пука и убива. Но, мојата душа беше во Македонија, тука е моето семејство, пријателите, тука е мојот живот. Кога се вратив, настанот во Вејце веќе се беше случил. Текстот за песната кој го напиша Томислав Которчевиќ не може никого да го остави рамнодушен. Со оваа и слични песни му се оддолжувам на мојот народ и на мојата земја. На таков начин можев и јас да & помогнам на Македонија во тие моменти. Мислам дека не згрешив.

ПАВЛОВСКА: Фестивалите веќе не се предизвик за нас, естрадните уметници. Има исклучоци, се разбира. Но, јас не одам на фестивали за да освојам некоја награда, не одам на фестивалите за да победам. Одам само за да испеам добра песна, за да ја задоволам мојата публика. Веќе се трудам секоја нова песна да биде комерцијална, да не служи само за еднократна употреба. Отсега јас бирам каква песна ќе испеам на фестивалите, не дозволувам некој да ми бира што апсолутно не се совпаѓа со професионалниот пристап кон работата. Утре тие песни треба да ги пееме пред друга публика, не само пред фестивалската која многупати е одбрана. Јас можам цела вечер да пеам балади и сето тоа да биде професионално изведено од моја страна без ниту една грешка. Но, публиката од мене очекува да ја кренам на нозе, не дозволува да ја манипулираш, не дозволува да си поигруваш со неа. Ако те засакаат како пејач, ако допреш до нивните срца, тогаш си го постигнал вистинскиот ефект и си дошол до целта.

ПАВЛОВСКА: Пред се здравје. Животот е напнат, депримирачки, сите се бориме што повеќе да оствариме, но треба малку повеќе себеси да си обрнеме внимание, да не се запоставиме. Духовната исполнетост е над се, материјалното е минливо, иако и тоа ни е неопходно во нашето живеење. Парите секогаш се причина за да трчаме некаде, не сме смирени, не сме релаксирани. Човечкиот организам навистина е силен и издржлив, но истовремено кревок и слаб. Во годинава што претстои апелирам луѓето да си посветат себеси малку поголемо внимание. Да не се оптоваруваат оние што немаат во споредба со оние што имаат. На сите им посакувам среќни новогодишни и божиќни празници, на сите Македонци овде и во дијаспората. Им препорачувам да ја сакаат оваа земја, како што таа нив ги сака.