Основач на неделникот е познатиот македонски бизнисмен, господинот Ѓорѓија - Џорџ Атанасоски кој сите овие години непрекинато го следи и го финансира растежот на весникот. Господинот Атанасоски ја почна својата кариера како инженер работејќи во Њујорк Универзитетот. Во 1975 година тој сооснова заедно со својот брат сопствена фирма "Микрофлекс Инк.". Нивниот индустриски комплекс се наоѓа во Ормонд Бич, Флорида. Во 1996 година господинот Атанасоски сооснова и стана претседател на "МАК АМ Интернешенл Корпорејшн". МАК АМ е интернационална трговска компанија со филијали во Флорида, САД, и во Скопје и Прилеп.Сопственик на “Жито - Прилеп“ Македонија.

Концепцијата и уредувачката политика на неделникот се базираат врз неговата основна цел - да се афирмираат македонските национални вредности не само на територијата на денешна Република Македонија, туку и во преостанатите делови на етничка Македонија, па дури и во целиот свет, односно секаде каде што живеат и работат луѓе чија етничка и државна припадност ги поврзува со Македонија.

Тиражот на неделникот варира од број до број, меѓутоа во основа изнесува од 6 до 8 илјади примероци, којшто се дистрибуира и продава на пазарот во Република Македонија, но и во целиот свет каде што има Македонци - Европа, Америка, Канада, Австралија.

Актуелниот редакциски тим го сочинуваат: Елизабета Хаџи-Стојанова Костурска, директор;  Александар Келтаноски, главен и одговорен уредник; Редакциски колегиум: Кокан Стојчев, Жаклина Митевска, Милева Лазова, Мишко Талески, Мирослав Георгиевски; Соработници: Фросина Ташевска-Ременски, Дејан Савовски, Александар Вучевски, Живанка Филиповска,; Синиша Кариќ, технички уредник; Владимир Стојковскиски, технички уредник; Силвана Блажева, лектор ;Зорица Кметовска, дактилографка; Сузана Јосифовска, секретарка на Редакција.

Дистрибуција: