Инфосесија за „Проекти за литературни преводи” на програмата „Креативна Европа“

Во НУБ „Св. Климент Охридски“ денеска ќе се одржи информативна сесија за категоријата „Проекти за литературни преводи” на програмата „Креативна Европа – потпрограма Култура на ЕУ“.

Сесијата ја организира Министерството за култура во соработка со Канцеларијата за „Креативна Европа – потпрограма Култура“ на Унгарија.

– Ќе бидат претставени македонското и унгарското искуство и успеси во категоријата „Проекти за литературни преводи“ на програмата „Креативна Европа на ЕУ“. Истовремено, пред крајниот рок за доставување на проекти за оваа категорија до Извршната агенција за образование, аудиовизуелна дејност и култура при Европската комисија, 25 јули 2017 година, ќе бидат претставени критериумите за аплицирање и ќе се одржат индивидуални консултации со апликантите, соопшти Министерството за култура.

Сесијата ќе ја отвори Билјана Прентоска од Министерство за култура, Одделение за „Креативна Европа“, а за унгарското искуство во категоријата „Проекти за литературни преводи“ ќе зборува Мондик Габор од Канцеларија за „Креативна Европа – Култура“ на Унгарија.