Во организација на Форумот за демократска Македонија, глобална организација на иселеници, вчера во македонската амбасада во Вашингтон, САД, со предавање и прием беше одбележана 75-годишнината од ослободувањето на Скопје.
Промовирана беше веб-архивата „Споменик“, посветена на спомениците од народноослободителната борба во поранешна Југославија.
По разговорот на авторот на овој проект, Доналд Ниебил и претставничката на Форумот за демократска Македонија, Анета Георгиевска-Шајн, беше презентирана книгата „Spomenik Monument Database“, базирана на архивата, а објавена минатата година. Книгата која доби високи оценки од реномирани критичари од областа на историјата на архитектурата.
На настанот и приемот присуствуваа гости од американската влада, како и претставници на академските кругови, меѓународни и невладини организации.